Аудандық Әскери Комиссариаттың екінші бөлім басшысы, майор Е.Табиров студенттерге әскери өмірдің қыр-сырын түсіндіріп, елді қорғай білетін сарбаз болуға, тәуелсіз Отанымыздың нағыз патриоты болуға шақырды.

Оқу-дала жиындары ашық аспан астында өткізіліп, студенттердің тактикалық дайындық, атыс дайындығы, саптық дайындық, азаматтық қорғаныс дайындығы бойынша алған білімдерін практикалық түрде қалай меңгергендерін тексеруге бағытталды. Студенттер әскери жарғымен танысып, өздерінің сарбаздық өмірге қаншалықты дайын екендіктерін сезіне білді.

№8 колледждің түлектері Қазақстанның кез-келген аумағында өздерінің Отан алдындағы әскери борыштарын өтеуде. Колледждің «Дәнекерлеуші» мамандығын 2019 жылы бітірген Байдулла Дәулет қазіргі таңда Шымкент қаласындағы 6506 әскери бөлімінде «Қамтамасыз ету ротасында» өз мамандығы бойынша қызмет етуде.

 Студенттерге нағыз патриоттых рухтың үлгісін көрсету мақсатында 2019 жылы Ұлттық Ұлан батыры Ербол Отарбаевпен кездесу ұйымдастырылды. Ұлттық Ұлан батыры әскери қызметті атқару үшін шыдамдылық, табандылық, өзіңе деген сенімділік мықты болу керектігін айтты.

 Колледжде «Жас сарбаз» патриоттық клубы жұмыс атқаруда. Соның ішінде «Қалқан» патриоттық тобы жоспар бойынша іс-шараларын өткізуде.

 Қазақстан Республикасын қорғау – оның әрбір азаматының парызы. №8 колледж студенттерге патриоттық тәрбие беріп, сарбаздық өмірге дайындауда өз үлесін қосуда.