КОЛЛЕДЖ №8

                                  Төлеби ауданы, Ленгір қаласындағы  «№ 8 колледж» МКҚК тарихы

         Ленгір қаласындағы № 8 колледж 1942 жылдың қаңтар айында Новостроевка поселкесінде«Ленгір көмір»тресі үшін тау–кен жұмысшыларын даярлайтын №23 ФЗО мектебі болып ашылды. Көп ұзамай «Тоғыс»темір жол станциясында  №1 ФЗО мектебі ашылып, мұнда шахта құрылысы басқармасы үшін құрылыс  жұмысшыларын даярлады. Ал, 1949жылы  №1 ФЗО мектебі жабылып, осы мекеме ұжымы мен оқушылары №23 ФЗО мектебіне ауыстырылды. Осы жылы мектептің аты «Тауөнеркәсібі мектебі» (ТӨМ) деп өзгертіліп, осы  мекемеге директор болыпВ.Качесов тағайындалды.

1952 жылы құрылысы соғысқа дейін қолға алынып, соғыс басталу себебінен тоқтап қалған 2 қабатты оқу ғимараты салынып, қолданысқа берілді. Сол жылы  ғимаратта шахтерлар мен шахта құрылысы мекемесіне қарасты  жұмысшылар даярланды.

1954 жылы облыстық кәсіптік – техникалық білім беру басқармасының шешімімен Ленгір қаласында бір жылдық құрылысшылар даярлайтын мектеп ашылды. Осы жылдың аяғында аталмыш құрылыс мектебі базасында училище ашу жөнінде шешім қабылданды. Ал, қазан айында  училищенің педагогикалық ұжымы мен оқушылары жасақталып, оқу орнының директоры болып шахта құрылысының бұрынғы бастығы С.Мазуровтағайындалды.

1956  жылы Ленгір шахта құрылысы басқармасы 175 орынға арналған 2 қабатты жатақхана құрылысын салып берді. Сонымен қатар сол жылы  қойма жайлары, жылыту қазандығы, моншапайдалануға берілді. С.Мазуров зейнеткерлікке шыққан соң, училище директоры қызметіне Г. Т. Симчук тағайындалды. Ол жұмыс бастаған жылдары педагогикалық ұжым мен оқушылардың күшімен спорт зал кешені, 240 орындық асхана, жазғы кинотеатр, жүзу бассейнінің құрылысы салынған. «Шымкентпромстрой» тресі мен «Шымкентқұрылыс» комбинаты училищенің базалық кәсіпорындары қызметін атқарды.

1964 – 1990 жылдар аралығында осы училищеде, Моңғол Халық Республикасы мен Вьетнам Социалистік Республикасы үшін 1,5 мыңға жуық құрылысшылар мен механизаторлар даярлап шығарды.

1984 жылы № 82 кәсіптік техникалық училище — № 7 орта кәсіптік техникалық училище болып  аты өзгертілді.

1996 жылы Оңтүстік Қазақстан облысы әкімінің шешімі бойынша № 8 орта кәсіптік техникалық мектеп болып өзгертілсе, 2002 жылдың мамыр айында № 8 кәсіптік мектеп деп өзгертілді. Осы жылдар аралығында мектепке, кәсіптік техникалық білім берудің жоғары білікті маманы инженер технолог С. Мауленов жетекшілік етті.

2005жылдың шілде айынан бастапЕрсін  Каденұлы  Қойбековдиректор қызметіне тағайындалды.

2008 жылдың 21 қаңтар айында ОҚО Әкімдігінің  №19 Қаулысымен «№8 кәсіптік мектеп» мемлекеттік мекемесі Оңтүстік Қазақстан облысы әкімдігі білім департаментінің «№8 кәсіптік лицей» мемлекеттік коммуналдық қазыналық кәсіпорны болып өзгертілді.

2012 жылы  24 желтоқсанда Оңтүстік Қазақстан облысы әкімдігінің №394 қаулысы негізінде «№8 колледж» мемлекеттік коммуналдық қазыналық кәсіпорны болып өзгертілді.

2023 жылдың 20 сәуір айынан бастап Түркістан облысы Білім басқармасының шешімімен  Нұрсұлу Абдешқызы Қалиевадиректор қызметіне тағайындалып, осы колледжде жұмыс атқаруда.

Колледж  төменде көрсетілген  мамандықтар  бойынша жұмысшы мамандар даярлап келеді. Келешекте қосымша жаңа мамандықтар ашылып, жастарды жұмысшы мамандармен толықтыру көзделуде.Бұған дейін, колледж қабырғасынан  33 мыңдай түлек жұмысшы маман иесі аталып, елімізде абыройлы қызмет атқаруда.